CAGAYAN DE ORO CITY – Nabawian sa kapolisan sa sobra P1-M nga balor sa gitoohang shabu ang kanhi na dinakpan sa kasupakan sa Comprehensive Dangerous Drugs Act of 2002 dihang gipatuman ang court search warrant sulod sa puy-anan niini sa Purok Lakambini,Brgy Tubod,Iligan City.
Si Police Regional Office 10 Director Brig Gen Jaysen De Guzman miingon nga maoy nadakpan si alyas Stephen,51 anyos,ulitawo ug nagpuyo sa lugar.
Gibutyag sa heneral nga nakompiskar sa ilang mga sakop sa City Drug Enforcement Unit ug Police Station 4 sa Iligan City Police Office ang 150 gramos nga gitoohang shabu nga nagkantidad sa 1.2 milyones pesos.
Si alyas Stephen ang dunay record nga nadakpan na tuig 2016 ug 2017 tungod sa kasupakan sa balaod.
