Nagbulag na ang maglive-in partner human napaslak sa managlahing prisohan dihang gidakop sa mga otoridad kay nasapon nga gapamaligya sa shabu.
Sa gilusad nga buy-bust operation sa Punta Macabalan, sa alas 1:52 sa kaadlawon niadtong Agosto 13, 2025, nadakpan sa mga operatiba sa RPDEU 10, PDEA RSET 10, CIU, COCPO Station 5, PDEG SOU 10, ug RIU-10 ang duha ka suspek nga nailhan sa alyas nga “Ayan” ug “Margaux,” nga mga residente sa Macabalan.
Si “Ayan,” usa ka probationer nga giingong tigpamaligya sa ilegal nga droga, ug ang iyang live-in partner nga si “Margaux” giingong kauban sa pagpayuhot.
Narekober gikan sa mga suspek ang tulo ka sachet sa gituohang shabu nga may gibug-aton nga 150 gramos ug kantidad nga P1,020,000; usa ka P1,000 nga buy-bust money, ug mga drug paraphernalia.
Ang mga suspek anaa na karon sa kustodiya sa Maharlika Custodial Facility samtang giandam ang kaso batok kanila ilawom sa R.A. 9165.
