Sugaton sa Pamilya Tumaquin, sa Talisay Cebu, ang Year 2026 nga sila MILYONARYO! Nunot kini sa kadaugan ni Ginang Lina sa bag-uhay pa lang gitak-upan nga ONE-TWO PANALO Promo Part 24 sa Bombo Radyo ug Star FM Grand Draw, kagahapon. Ang ika-76 nga miyembro sa Bombo Millionaires Club, midaug pinaagi sa iyang proof of purchase (POP) nga PROMO STICKER sa OROCAN. Sa pakighinabi sa BOMBO RADYO, laraw sa ginang nga gamiton ang salapi sa pagsustinar sa iyang gamay nga negosyo, pagtul-id sa ilang naguba nga balay dala sa pagkuso-kuso sa Bagyong Tino, sa Visayas Region niadtong Nobyembre 6. Miingon ang ginang nga dili na niya maihap ang mga raffle entries nga iyang gipadala kay naabtan sila sa higayon nga nahutdan sila’g sobre, busa sila nalang ang naghimo sa puti nga “sobra”envelop” nga adunay gisukip nga mga panalangin nga unta sila mahimong swerte sa promo. Dugtong niini, laraw usab sa ginang nga gamiton ang iyang madag-an nga salapi sa paggasto sa edukasyon sa iyang mga anak ug pagtabang sa ilang mga paryente nga naigo sa linog ug duha ka naglabay nga bagyo.
Gawas sa ma-swerte nga milyonaryo, aduna gideklarar nga mga regional winners sa Luzon, Visayas, Mindanao ug National Capital Region nga nakadawat sa tag 50,000 pesos, 70,000 pesos ug 100,000 pesos. Sa Mindanao, nasakmit sa taga Butuan City nga si Analou Sedello, 41 anyos, ang P50,000 pinaagi sa iyang proof of purchase nga Orocan. Ang P70,000 nabulsa sa taga Malaybalay City nga si Rosemarie Tablazon, 61 anyos pinaagi sa iyang POP nga Orocan. Samtang ang ma-swerte nga P100,000 prize winner nadag-an sa taga Cagayan de Oro City nga si Angelyn Pedrano, pinaagi sa iyang POP nga Omega Pain Killer.
Sa Visayas Area, nadag-an sa Orocan Entry sender nga si Ma. Corazon Bailen ang P50,000 cash prize, gikan sa Ilo-ilo City. Ang taga Kalibo nga si Edgardo Garcia ang nakakuha sa P70,000 cash prize pinaagi sa iyang POP nga Omega Pain Killer. Samtang si Jean Carmona nga taga Bacolod City ang swerte nga nabunot isip P100,000 prize winner pinaagi sa iyang POP nga Omega Pain Killer.
Sa NCR Area, sila Bernard Dinampo, Orocan user, ang nabunutan isip P50,000 winner. Nabulsa ni Mariza Nalayog ang P70,000 Cash prize human siya mihulog sa POP nga Syngenta. Samtang ang Omega Pain Killer loyalist nga si Flordeliza Lansangan ang midaug sa P100,000 cash prize sa NCR.
Didto sa Luzon Area, ang 72 anyos nga Federico Juan, kinsa mahilig magsabon sa Dr. Wong’s Sulfur Soap ang nabunutan sa P50,000 cash prize. Si Aileen Jacom, 39 anyos, nga taga Legaspi City ang misakmit sa P70,000 cash prize pinaagi sa iyang nahulog nga Omega Pain Killer POP. Samtang napadulong kang Madelene Pasada ang top regional prize cash nga P100,000 pinaagi sa iyang POP nga Syngenta.
Mukabat sa kapin 2-MILYON PESOS nga gibubo sa Bombo Radyo Philippines, sulod sa 25 ka mga Key locations sa Pilipinas, sulod lamang sa usa ka adlaw sa gilusad nga grand draw, kundiin, aduna pay nakadawat sa tag 5,000 pesos nga consolation prizes sa tibook 32 ka mga AM ug FM Station sa Bombo Radyo. Sa kinatibuk-an, mubalor sa 8-MILYON PESOS ang na-apud apud sa network pinaagi sa ONE-TWO PANALO Part 24. Sa kalampusan nga nadawat sa promo, gipasalamatan sa BOMBO RADYO ang mga product sponsors nga gilakipan sa Orocan, Dr. Wong’s Sulphur Soap, Syngenta, Fabriano Appliances, Omega Pain Killer, ug R. Florete Pawnshop and Jewelry. Alang sa tuig 2026, atangi ang mas dagkung premyo ug raffle promos sa Bombo Radyo Philippines.
