Dismayado ang grupo sa Lumbia Public Transport Cooperative (LPTC) sa hinanali nga pagbakwi ni Presidente Ferdinand Marcos Jr sa 1 peso fake hike sa mga tradisyonal nga jeep-depampasahero.
Sa exclusive interview sa BOMBO RADYO kang LPTC Chairman Bong ArceO, siya miingon nga plastada na unta ang taripa sa bag-ong implementasyon sa pletehan kay minimal ug masabtan ra sa mga sumasakay ang usbaw.
Iya usab gisuportahan ang implementasyon sa tag 20 sentimos nga usbaw kada kilometro, gikan sa base-fare nga 7 pesos alang sa mga magtutungha ug 13 pesos alang sa mga hamtong, gikan sa unang upat ka kilometro nga pagsakay.
Alang kaniya, wala nalang unta gibakwi sa presidente ang mandato kay makahatag na unta kini’g alibyo sa ilang mga draybers nga hangtud karon wala pa makadawat sa subsidiya sa lana, ug cash ayuda.
