CAGAYAN DE ORO CITY – Naka-kompiskar sa laing higayon ang kapolisan sa halos P10 million nga kantidad sa inismagol nga mga sigarilyo sulod sa biniyaan nga Isuzu wing van sa national highway, Purok 4,Brgy Mamagum,Sultan Naga Dimaporo,Lanao del Norte.
Sa gihuptang kasayuran ni Police Regional Office 10 Director Brig Gen Jaysen de Guzman nga maoy nangulo sa anti-smuggling operations ang 2nd Provincial Mobile Force Company diin nadiskobre ang van nga dunay plaka numero CBR 8610 nga adunay karga nga 247 ka kahon sa nagkadaiyang klase sa sigarilyo.
Gilayong gipaubos sa imbentaryo ang maong nabawii nga mga kontrabando ayha gitugyan sa kustodiya sa Bureau of Customs nga nakabase sa Iligan City.
Sa miaging mga semana,daghang mga inismagol usab nga mga sigarilyo ang nabawii sa nagkadaiyang lower units sa Lanao del Norte Police Provincial Office ubos sa superbisyon ni Col .Roy Magsalay.
