CAGAYAN DE ORO CITY – Mitala’g kapin 10 milyon pesos ang inisyal nga damyos sa kabtangan sa 81 ka pamilya o 344 ka indibidwal nga apektado sa sunog sa St John,Brgy Puntod ning syudad.
Kini human unang nagsumikad ang kalayo sa balay sa pamilyang Diaz ug mikuyanap sa mga silingan niini.
Miingon si Puntod Punong Brgy Trexie Tinampay nga kaugalingon kining lista sa ilang mga magtutudlo nga gitahasan pag-atiman sa mga biktima.
Dugang ni Tinampay nga mag-agad gihapon sila sa opisyal nga assessment sa gitahasan ni City Mayor Oscar Moreno nga CSWD personnel aron matabangan ang mga biktima sa hitabo.
Samtang paspasan sa konseho ang pagpanday sa resolusyon diin nagtumong pagpalugwa sa calamity funds alang sa 43 ka pamilya nga biktima sa dakong sunog sa San Isidro Labrador,Brgy Lapasan ning syudad.
Kini ang pasalig ni Lapasan Brgy Kag Mark Anthony Bustamante,chairman sa peace and order committee kabahin sa nahitabo sa ilang katawhan kagahapong adlawa.
Miingon si Bustamante nga nagmando si Lapasan Punong Brgy Julito Ogsimer nga maatiman gilayon ang mga biktima sa sunog.
Gani,gitanyag brgy council nga mabalhin ang mga biktima sa evacuation roof deck sa East City Central School apan namalibad sila kay gusto nila dali makabalik sa lugar diin sila nanimuyo.
