MANILA – Nakapatong na ang 10 million pesos nga reward money sa makahatag impormasyon ug makakita sa hideout ni Kingdom of Jesus Christ Founder – Pastor Apollo Quiboloy.
Ang Department of Interior of Local Government ang mi-anunsyo sa pinakadakung reward money nga gidonar kanila sa wala magpaila nga mga pribadong indibidwal nga gustong masulbad ang mga kaso ni Quiboloy.
Namahayag si DILG Secretary Benjamn ‘Benhur’ Abalos Jr nga gawas sa ganti nga 10-milyon, duna usab patong sa ulo ang mga kakontsabo ni Quiboloy.
Kini naglakip nila Cresente Canada, Paulene Canada, Ingrid Canada, Jackielyn Roy ug Sylvia Cemañes.
Silang tanan nag-atubang sa kasong child abuse, child exploitation ug qualified trafficking in person.
Walay piyansa nga girekomendar ang korte sa tulo ka bug-at nga kaso.(Bombo Anne Quileste).
