CAGAYAN DE ORO CITY – Gikasuhan na sa PDEA operatives sa pagsupak sa Dangerous Drugs Act of 2022 ang active member sa local drug syndicate kuyog ang laing mga kauban niini nga nakuhaan sa balor 10 milyon pesos nga gitoohang shabu sa Brgy Dilimbayan,Maguing,Lanao del Sur.
Giila ni PDEA-BARMM Director Rogelito Daculla ang target nga si Faisa Hadji Raof alias Faiza Abdullah Sohaimen nga nagpuyo sa maong lugar.
Miingon si Daculla nga gawas sa nakuha nga halos dos kilos nga gitoohang shabu,nabungkag usab nila kuyog ang PNP ug AFP ang drug den nga gipadagan sa maong grupo sa lugar.
Nasuta nga moabot hangtod sa Davao ug Northern Mindanao regions ang pag-operate sa maong grupo sa mga sindikato sa ilegal nga droga.
Samtang padayong gipangita pa usab ang kapikas sa target suspect ug laing mga kauban nga nakasibat atol sa gilusad nga operasyon.
Hisayrang ang lungsod sa Maguing ang gitumbok sa mga otoridad nga dunay organisadong drug syndicate nga naglihok diin ang pipila sa mga miembro niini ang nadakpan pa mismo dinhi sa Cagayan de Oro sa miaging katuigan.
