CAGAYAN DE ORO CITY – Dili pa makompirmar apan himuan pa sa dugang imbestigasyon sa Bureau of Fire Protection o BFP ang pag-ulbo sa sunog
sa Purok 1,Brgy Sugbongcogon,Tagoloan,Misamis Oriental.
Kini ang bisan kon dunay naglugwa nga estorya nga hayan nataptan sa kalayo ang gibaligyang mga krudo ug gasolina rason sa pag-ulbo sa kalayo sa lugar.
Namahayag si BFP-Tagoloan Station investigator Fire Officer 1 John Mark Diango nga anaa sa siyam ka balay ang nadamyos sa sunog.
Hinoon,walay mga residente nga samaron o missing atol sa pagbutho sa kalayo.
Mitala sa structural damage nga gatos-miel pesos ang sunog kaganihang buntag.
Gilayong gipalihok usab ni Tagoloan Mayor Atty. Nadya Emano- Elipe ang ilang MSWD aron paspas maatiman ang mga pamilyang nasunugan samtang pangitaan sa magamit nga pondo aron itukod balik sa mga naugdaw’ng mga balay.
