CAGAYAN DE ORO CITY- Nagtanyag na’g P100,000 nga reward money ang local govt unit o LGU sa mga tawo nga makatudlo sa lokasyon sa gun for hire suspect nga mipusil-patay sa pulis diha sa Purok 6, Upper Rancho,Bangahan,Pangantucan, Bukidnon.
Tadtad sa bala ang lawas sa biktima nga si Police Staff Sgt Rio Tibang, 39-anyos ug residente sa maong lugar human pusila ni Jovie Maulas Somotil taga Manubiray, Lampanusan, Kalilangan Bukidnon.
Gibutyag ni Bukidnon Police Provincial Office spokesperson Police Capt. Jiselle Longgakit nga padayon gihapon ang manhunt operation batok sa nagtago-tago nga suspect.
Si Tibang ang nakaangkon sa samad pinusilan sa iyang ulo, liog, dughan ug tiyan nga hinungdan sa kamatayon.
Hisayran nga pagdumot ang motibo sa mga pulis human nasuko ang suspect tungod kay gikasuhan kini niadtong bulan sa Pebrero sa kasong pagpatay.
