CAGAYAN DE ORO CITY-Gihimakak ni City Director Sr/Supt Nelson Aganon nga may madawat nga reward money ang kapolisan kon makapatay sa suspected shabu pushers ilabina dinhi sa syudad.
Gihimo ni Aganon ang pahayag nunot sa ika-14 nga suspected drug pusher nga napatay sa grupo ni Divisoria Police Station commander Sr/Insp Rustico Gala-Gala sa Estakahan,Brgy Agusan sa dakbayan.
Dumduman nga maoy napatay kay giingong misukol ang kapolisan ang 19 anyos nga si Ricky Jones Ampo dihang gipaubos sa
buy bust operation sa maong lugar sa miaging gabii.
Samtang nagtoo si Aganon nga kulang pa ang 14 ka drug pushers ug users nga napatay human misukol sa anti-illegal
drug buy bust operation sa syudad.
Si Aganon miingon nga wala siya maalarma sa gindaghanon sa ihap sa casualties tungod kay mas daghan pa ang ihap sa mga dinakpan
nga wala mamatay tungod sa war on drugs.
Siya miingon nga malikayan ang kamatayon kun ugaling dili mosukol ang mga suspek sa mga otoridad.
