Personal nga gitunol ni Presidente Ferdinand Marcos Jr. ang P100 milyon nga tabang pinansyal ngadto kang General Santos City Mayor Lorelie Pacquiao alang sa pagpaayo sa naguba nga City Hall ug uban pang imprastraktura.
Gawas niini, gipasalig sa administrasyon nga makadawat og tag-P50,000 nga ayuda ang matag pamilya nga nawad-an og kabanay tungod sa maong kusog nga linog.
Giapil usab ni Marcos ang paggahin og dugang pondo alang sa lokal nga kagamhanan sa Sarangani ug South Cotabato aron mapadali ang pagpa-ayo sa mga komunidad nga grabeng naigo sa kalamidad.
Aron mapagaan ang kahimtang sa mga nawad-an og trabaho, magtinabangay ang DSWD ug DOLE sa pag-apod-apod og ayuda pinaagi sa mga programang AICS ug TUPAD.
Hisayran nga gimandoan na usab ni PBBM ang tanang ahensya sa gobyerno nga paspasan ang paghatag sa mga relief goods, pagkaon, ug medikal nga serbisyo aron daling makabangon ang mga apektadong residente.
