Gisugyot sa National Confederation of Trade Unions (NCTU) nga hatagan sa P1000 per day nga fuel subsidy ang mga pampublikong sakyanan sa tibook Pilipinas aron walay drivers nga mu-undang sa pagpamasada.
Kini ang gibutyag ni Jaime Aguilar, spokesperson NCTU kay nabalaka sila sa nagsaka nga ihap sa ilang miyembro nga mitambay nalang sa balay kay kulang ra ang atag P5000 nga ayuda pambayad sa ilang utang sa naglabay nga semana nga sigeg patubil gikan sa gatos pesos hangtud P140 per litro nga krudo.
Partikular nga hangyo sa grupo nga kumpyuton ug maayo sa Department of Transportation kung pila ang magasto sa gobyerno sa ilang P1000 per day subsidy sulod sa 60 ka adlaw.
Kini ang nakita nga paagi sa grupo aron mulahutay ang public transport ug dili na magpetisyon sa taas-singil sa pletihan aron dili na madalahig ang mga sumasakay.
