Posible nga adunay dakong rollback sa presyo sa produktong petrolyo sa sunod semana, diin gibanabana nga moabot sa mga P8 kada litro ang pagkunhod sa diesel. Base sa unang upat ka adlaw nga trading sa tibuok kalibutan, gilamuman nga adunay pag-usab sa presyo sa lana sa mosunod:
Gasolina: mokunhod sa P0.40 kada litro
Diesel: mokunhod sa P8.50 kada litro
Kerosene: mokunhod sa P11 kada litro
Hinoon gitin-aw sa mga eksperto nga mahimo pa kini usab kay adunay usa pa ka adlaw sa trading sa dili pa hingpit nga ma-finalize ang adjustments.
Subay sa mga report, mikunhod ang presyo sa lana sa miaging mga adlaw human ipahibalo sa Washington nga nagpadayon na ang negosasyon aron pag-usab nga ablihan ang Strait of Hormuz.
