CAGAYAN DE ORO CITY, Philippines – Gi-anunsyo sa Civil Aviation Authority of the Philippines (CAAP) nga mu-alokar sa 12.4 Bilyon pesos alang sa pagmoderno up upgrading sa ilang ahensya sa 2025.
Sa maong kantidad, 10.6 Bilyon pesos ang gamiton sa ilang trabahong sibil, samtang 1.8-Bilyon alang sa pagbag-o sa ilang mga ekipo ug system upgrades.
Unang namahayag sila CAAP Director General Manuel Tamayo ug Deputy Director General for Administration Danjun Lucas nga nag-unang prayoridad sa ilang programa, ning tuiga, ang night-rating upgrades sa Cauayan, Dipolog, ug Pagadian airports.
Tumong niini ang luwas ug episyente nga operasyon matag gabie ug aron matubag ang nagsaka nga traffic demands.
Gawas niini, gilakmitan sa duha ka opisyal ang masugdan nga pagtukod sa Bukidnon Airport nga gamiton sa domestic travel, trade and commerce.
Masaligon ang CAAP nga makatabang sa pagpabaskog sa ekonomiya ang ilang modernisasyon aron managhanan pagbiyahe dungan sa pagsinati sa luwas ug hamugaway nga mga tugpahanan sa managlahing bahin sa Pilipinas.
