Nasikop sa hiniusa nga operasyon sa City Drug Enforcement Unit ug ubang mga unit sa kapolisan ang duha ka suspetsado human nakuhaan og kapin sa duha ka kilo sa gidudahang shabu sa Barangay Puerto niadtong Hunyo 12, 2026.
Gipaila ni Regional Director sa PRO10 nga si PBGEN Christopher N. Abrahano ang mga dinakpan nga silang alyas Boy ug alyas Rey, diin ang usa kanila giisip nga usa ka high-value individual.
Base sa taho, ang nakumpiskang ilegal nga druga motimbang og 2,030 gramos nga adunay estimated standard drug price nga P13,804,000.00.
Bisan paman sa ilang pag-ingon nga walay personal nga kaila sa ilang supplier nga si alyas Joben, nagpadayon ang imbestigasyon sa mga awtoridad aron masuta ang tinuod nga gigikanan sa maong mga kontrabando.
Nunot niini, gidayeg ni PBGEN Abrahano ang mga operatiba ug gihangyo ang publiko nga magpadayon sa pagka-alerto aron hingpit nga maputol ang ilegal nga kalihokan sa ilang komunidad.
