CAGAYAN DE ORO CITY – Pahamtangan sa monetary penalty sa Bureau of Internal Revenue o BIR-10 ang kapin P13-million nga kantidad sa mga peke nga sigarilyo nga nakumpiskar diha sa Brgy Mohon, Tagoloan,Misamis Oriental.
Sumala ni BIR-10 Chief Revenue Officer Alberto Daba nga moabot sa dul-ag P140-million ang bayran nga buhis sa mga negosyanteng Chinese nationals nga mi-ukupar sa mga bodega Taiwanese businessman Huang Teng Pee.
Si Daba miingon nga ilang gideklara nga peke ang mga sigarilyo tungod kay nagbaton kini sa peke nga selyo kon fake stamps dihang nadiskobre sa warehouse sulod sa giabangan nga yuta ni Huang sa Phividec industrial estate ning lalawigan.
Samtang hingusgan pa ni Mohon Punong Brgy Francis Jerson Sabio ang kampanya pagbantay sa mga patigayon nga gahimog illegal.
Kini human ma-raid sa NBI-10 ug BIR-10 ang naghimo’g mga illegal nga kendi ug sigarilyo sa Tagoloan Misamis Oriental.
Miingon si Sabio nga kinahanglang mosubay ang mga negosyante sa rekitos nga gitakda sa balaod.
Hisayran nga mikabat sa minilyon nga mga illegal nga kendy ug sigarilyo ang nakumpiskar sa mga otoridad sa mga bodega nga gipanag-iya ni Taiwanese businessman Huang sa ilang lugar sa miaging adlaw.
