CAGAYAN DE ORO CITY – Giangkon ni Police Regional Office 10 spokesperson Major Joann Navarro nga pabiling nagkaylap pa ang gidiling droga nga naglakip sa mga shabu sa pipila kabahin sa Northern Mindanao.
Kini epekto sa halos 15 milyones pesos nga kantidad sa drogang shabu nga nakompiskar sa magkalahing operasyon sa ilang lower units kuyog ang PDEA 10 operatives sa kalungsuran sa Tagoloan,Villanueva,Lanao del Norte,Iligan City ug Jasaan,Misamis Oriental.
Siya miingon nga nagmatood kini nga pabiling dakong hagit sa katilingban ang maong bisyo rason nga kusganon ang ilang mga operasyon alang sa pagsumpo niini ug kalikayan nga daghan pang mga inosente ang mahimong mga biktima.
Hisayrang sa miaging mga semana,nagkatagbo sila PRO 10 Director Brig Gen Rolindo Suguilon ug PDEA 10 Director Alex Tablate aron ipalig-on ang mas gipakusog nga kampanya kontra illegal nga droga sa rehiyon.
