CAGAYAN DE ORO CITY-Nasunog ang pabrika nga nagbaligya’g mga pang-export nga mga dulaan diha sa Brgy Taytay,El Salvador City,Misamis Oriental kagabii.
Maoy nasunog ang Sanwa De Oro Crafts and Toys Inc tungod sa giingong pag-short sa koneksyon sa koryente sa pabrika.
Gibutyag ni Taytay Brgy Kag. Pipoy Villararte nga kabahin sa nanag-iya sa maong patigayon ang pipila ka Japanese nationals samtang partly owner si City Vice Mayor Ed Ayunting kinsa general manager niini.
Giimbestigaran pa sa taga- Bureau of Fire Protection o BFP-El Salvador City ang hinungdan sa maong sunog.Kantidad sa P15 milyones ang katibuk-ang damyos sa maong sunog.
