CAGAYAN DE ORO CITY-Sentro sa Special Investigation Task Group o SITG-Zapanta ang pagtumbok sa utok sa kamatayon ni Danao Brgy Chairman Alfredo Zapanta sa Jasaan,Misamis Oriental.
Sa laing hugna sa pakighinabi sa Bombo Radyo, gibutyag ni Jasaan Police Station commander C/Insp Rogelio Labor nga mas dali alang kanila nga mutumbok sa mga posibleng utok sa krimen inay ang mga suspek sa pagpangluthang.
Dugtong niini, gitin-aw ni Labor nga nagbaton sa igong seguridad ang nahibiling pamilya ni Zapanta samtang naghaya sa patay’ng lawas sa ilang kabanay.
Nasayran nga balor sa 150-mil pesos ang gitanyag nga reward money nga gikan kanila ni Gov Bambi Emano,Jasaan Mayor Julius Pagaspas ug ex-mayor Engr Redentor Jardin alang sa dali ikasulbad sa kamatayon ni Zapanta.
