Paslak na sa prisohan ang duha ka suspek human madakpan sa pagkarga sa mga ismagol nga sigarilyo sa PNP Checkpoint sa P-6, Brgy. Palacapao, Quezon, Bukidnon.
Gibutyag ni Police Senior Master Sergeant Benjie Nietes, sa 2nd Provincial Mobile Force Company (PMFC), Bukidnon Provincial Police Office (BPPO) nga nadiskobrehan sa ilang tropa ang gitaguan nga mga kinarton nga sigarilyo sa motor nga gisakyan sa mga suspek.
Sa pagsil-ip sa mga miyembro sa kapulisan sa Quezon Municipal Police Station, ilang nakita ang 145 rims sa managlahing brand sa sigarilyo sama sa King, Molton, Modern, Commando, ug Alpha.
Gibana-bana kining mukatidad sa P116,000. Ang mga dinakpan, gidetinar na sa Quezon MPS alang sa tukmang disposisyon.
