CAGAYAN DE ORO CITY – Nabawi ang balor 170-mil pesos nga drogang shabu sa bisinidad sa Bureau of Jail Management and Penelogy (BJMP) nga nakabase sa Purok 4,Barangay Patpat,Malaybalay City,Bukidnon.
Kini human narekober sa jail officer ang ‘tennis ball’ samtang mihimo sa roving inspection sa BJMP perimeter wall diin nadisobre nga gibutangan sa 25 gramos nga gitoohang shabu.
Walay nadakpan apan gitoohan nga gipanag-iya kini sa pipila ka piniriso nga gikan sa gawas nga bahin ug giitsa ang bolang tennis aron igo na lang kuhaon ug magamit sa sulod.
Dugtong niini,gilayong gitugyan kini sa jail officer ang maong drogang shabu sa kapolisan aron mabuhata’g dokumento ug mapaubos sa pagsusi sa PNP Provincial Forensic Unit.
Miani sa pagdayeg gikan sa Police Regional Office 10 ug mismong BJMP ang maong jail officer nunot sa shabu recovery.
