CAGAYAN DE ORO CITY – Nakadawat sa tabang pinansyal nga sobra 171 milyon pesos ang 57-mil 484 gikan sa 294-mil 947 targeted families nga direktang apektado sa enhanced community quarantine restrictions dinhi sa syudad ug sa Gingoog City,Misamis Oriental.
Miingon si OIiver Inodeo sa DSWD-10 nga sa kapin 57-mil ka pamilya,anaa pa lamang sa 31-mil 183 gikan sa kapin gatus-mil ka benepesaryo ang nahatagan sa ECQ special ayuda nga gikan dinhi sa syudad.
Dugang ni Inodeo nga anaa usab sa sobra 81 milyones nga pondo na ang nahatag sa gobierno sa 26-mil 302 ka pamilya nga gikan sa Gingoog City.
Una usab niini,migamit na sa mil-500 ka empleyado ang city hall ning syudad aron mapaspasan ang pagpaabot ayuda sanglit 15 ka adlaw lamang ang gitagal sa national govt nga tibawason kini.
Samtang naapektuhan ang panginabuhian sa 11-mil 869 ka pribadong mga trabahante nunot sa pagpatuman sa enhanced community quarantine restrictions dinhi sa dakbayan ug Gingoog City.
Miingon si NEDA 10 regional director Myla Cariño nga sa pagka-ECQ sa maong mga syudad,gilayong dunay 30 ka empleyado ang hingpit nawad-a’g trabaho kay nag-permanent closed ang ilang gipang-trabahuan.
Gawas niini,apektado usab ang income sa 4-mil 544 ka trabahante epekto sa temporary closure 530 ka establisimiento.
Laing 456 ka pribadong mamumuo usab ang nahikawan sa panginabuhian tungod sa gipatuman nga retrencement work force sa 54 ka balay-patigayon ug 7-mil 295 ang nakibhangan sa working hours tungod sa flexlible working arrangement tungod sa epekto sa ECQ.
Kini ang hinungdan nga kabahin sa palisya sa city govt nga apilon kadtong maong mga trabahante nga tunulan sa foodpacks sama sa naka-stock diha sa South City Central School sa Brgy Nazareth sa syudad.
