CAGAYAN DE ORO CITY – Nakompiskar sa Bureau of Customs – Cagayan de Oro District ang balor 18 milyones pesos nga smuggled onions nga gikan sa China sa dihang midunggo ang barko nga gisakyan niini sa Mindanao Container Terminal Port sa Phividec Compound,Tagoloan,Misamis Oriental.
Gibutyag ni BoC-Cagayan de Oro District spokesperson Angelo Andrade nga unang gipatoo sa consignees nga Primex Export and Import Producer nag ‘soft tortilla wrap’ ang kargamento apan pulos bombay ang sulod sa unom ka container vans.
Tungod niini,gibawi sa Customs ang maong kargamento gumikan sa kasupakan sa Customs Modernization and Tariff Act nga nahimo sa maong suspected consignees.
Kini na ang ikalima nga higayon nga nasapon sa Customs ang pagsulay’g palusot sa mga kontrabando nga nga wala moagi sa ensaktong proseso sulod ning bulana lamang.
