CAGAYAN DE ORO CITY-Gihatagan sa United States o US govt sa dugang 182-milyones pesos nga pondo ang gobierno aron magamit sa paspas nga pag-rehab sa naguba nga mga brgy sa Marawi City.
Kini human anaa sa 300-mil ka residente ang nawad-an sa panginabuhi ug kabtangan tungod sa lima ka bulan nga giyera tali sa state forces ug grupong Maute-ISIS niadtong tuig 2017.
Miingon si US Ambassador to the Philippines Sung Kim nga target sa maong ayuda nga matabangan ang 58-mil ka tawo ingon man sa transitional shelters, pag-ayo sa water and sanitation facilities, paghatag psycho-social support ug daghan pang uban.
Nasayra nga dul-ag 1.4 bilyon pesos na ang nahatag nga ayuda sa Amerika alang sa katawhan sa Marawi City.
