CAGAYAN DE ORO CITY – Nasanta sa hiniusang operasyon sa lower units ang 2.1 milyones pesos nga gitoohang shabu ug halos 180 ang nadakpan sa tulo ka adlaw nga Simultaneous Anti-Criminality and Law Enforcement Operations (SACLEO) palibot sa Northern Mindanao.
Namahayag ang Police Regional Office 10 nga punting sa SACLEO ang mga kasong against illegal drugs, loose firearms, wanted persons, illegal gambling activities ug ubang police operations.
Mitala sa 28.56 gramos sa gitoohang shabu ug 20.985 gramos sa marijuana ang nabawi sa mga kugi nga operatiba gikan sa mga dinakpa nga nagkostar sa maong kantidad.
Dili kini ang una apan daghang higayon nang nakalusad ang PRO 10 sa SACLEO diin minilyong mga droga ang nabawi gikan sa doble-doble nang ihap sa mga personalidad nga nalambigit sa nagkadaiyang kremin.
Una nang gimando ni PRO 10 Director Brig Gen Ricardo Layug Jr ang hugot nga kampanya batok sa tanang klase sa kreminalidad rason nga pabiling hapsay ang rehiyon sa taas nang panahon.
