CAGAYAN DE ORO CITY – Mitala sa laing kalampusan ang Police Regional Office 10 pinaagi sa ilang 1005th Manuever Company sa Regional Mobile Force Batallion 10 kuyog ang ubang tropa sa gobierno ang suspected smuggled cigarettes sa lapyahan sa Brgy Piraka, Sultan Naga Dimaporo,Lanao del Norte.
Namahayag si PRO 10 Director Brig Gen Jaysen de Guzman nga subay sa na embargo sa operating troops,anaa sa balor 2.2 milyones pesos nga sigarilyo nga gitoohang gipalusot gikan sa Sulu nga gipadunggo sa Sultan Naga Dimaporo sa kagahapong adlawa.
Miingon si De Guzman nga kini gilangkuban sa nagkadaiyang reams sa Delta,New Berlin,Green Fields ug Platinum Gold cigarettes nga gidudahan nga ikatag sa Iligan City ug syudad sa Cagayan de Oro.
Gilayong gihimua’g imbentaryo sa operating teams ayha gitugyan sa Bureau of Customs District Office sa Iligan City.
Gisaluduhan sa heneral ang pagsilbing aktibo sa Lanao del Norte Police Provincial Office ubos ni Col Roy Magsalay nga walay hunong paggukod sa mga sindikato sa pagpalusot sa mga inismagol nga mga sigarilyo.
