CAGAYAN DE ORO CITY – Nakadakop sa 145 ka tawo nga naglakip sa 74 ka indibiduwal nga adunay atraso sa pagpayuhot sa illegal nga droga sa gipatuman nga law enforcement operation sa lower units sa Police Regional Office 10 sa Northern Mindanao region.
Kini subay sa gitaho ni PRO 10 spokesperson Major Joann Navarro sa Camp Alagar gikan sa maong mga unit nga ubos sa direktang ubos sa superbisyon sa ilang amahan nga si Police Regional Director Brig Gen Jaysen de Guzman.
Sa 59 ka ant-illegal drug operations, anaa sa 338. 498 gramos nga gitoohang shabu nga nagkostar sa 2.3 milyones pesos.
Gawas sa operasyon kontra illegal nga droga, 20 ka sugarol ang nadakpan sa 11 ka operasyon nga gilusad sa mga pulis sa rehiyon diin sobra 7-mil pesos nga gambling items ang nabawi.
Nangadakpan usab ang 41 ka wanted persons diin 10 kanila ang pinaka-pinangita sa balaod tungod sa kabug-at sa ilang mga kasong gipang-atubang.
Sa aspeto sa giyera kontra smuggling,anaa sa 800-mil pesos nga kantidad sa inismagol sa mga sigarilyo ang nabawi.
