CAGAYAN DE ORO CITY – Nakasuhan na sa tropa sa City Drug Enforcement Unit ug City Intelligence Unit ang duha ka suspected drug pushers nga nakuhaan sa balor 2.3 milyones pesos nga gitoohang shabu sa operasyon sa Sitio Hinaplanon,Brgy Baikingon ning syudad.
Maoy gipangkasuhan sa pagsupak sa Dangerous Drugs Act of 2002 ang dinakpan nag si Edgar Linaac Bucag,43 anyos,minyo ug John Mark Linaac Ramos kinsa target sa tropa apan paspas nga naka-eskapo sa maong operasyon.
Nakompiskar gikan sa buy-bust area ang 350 gramos nga gitoohang shabu balor 2.3 milyon pesos ug buy-bust money nga 3-mil pesos.
Dugtong niini,gidayeg ni Police Regional Office 10 Director Brig Gen Lawrence Coop ang dakong kalampusan sa CDEU ug CIU kabahin sa pagsumpo sa ilegal nga droga dinhi sa dakbayan.
