CAGAYAN DE ORO CITY-Nabawi sa kapolisan ang balor 2.3 milyon pesos nga suspected shabu gikan sa nagsilbing drug courier atol sa anti-illegal drugs operation sa Villanueva Angela,Brgy Balulang sa syudad kagahapon sa hapon.
Giila ni Divisoria Police Station commander Sr Insp Maricris Mulat ang suspek nga si Sobiar Nimbalawag,26 anyos,minyo ug nagpuyo sa maong dapit.
Nakuha gikan sa suspek ang 550 gramos sa shabu ug buy bust money atol sa maong operasyon.
Gitakdang kasuhan pagbaligya’g ilegal nga droga ang suspek diha sa piskalya sa syudad karong adlawa.
Gipanghimakak ni Nimbalawag nga usa kini ka bigtime illegal drug supplier nga naglihok dinhi sa syudad.
Kini human masikop si Nimbalawag diin nakuha gikan kaniya ang 550 gramos sa shabu diin nagbalor sa P2.3 million sa syudad.
Gibutyag ni Nimbalawag nga igo lamang siya gisugo nga ipalubong ang droga sa yuta bugti sa suhol nga salapi nga gihatag kaniya.
