CAGAYAN DE ORO CITY – Motunol sa dugang 2-mil pesos ngadto sa hog raisers ang provincial govt sa matag-baboy nga mapaubos sa ‘culling operation’ kay positibo sa ASF.
Gibutyag ni Provincial Gov Bambi Emano nga may ordinansa na sila nga napasar sa Sangguniang Panlalawigan nga naggahin sa P2.5 milyon ang kapitolyo agi’g pag-abag sa Dept of Agriculture nga dunay ihatag nga 5-mil pesos kada-culling sa mga baboy nga positibo sa ASF dinhi sa rehiyon.
Samtang sa pikas bahin,gikompirmar usab ni City Mayor Oscar Moreno nga gitahasan na niya ang city finance officer ug treasurer nga mogahin sa pondo alang sa maapektuhan nga hog farmers sa dakbayan.
Gitahasan usab sa mayor si city administrator Teodoro Sabuga-a Jr nga i-porma ang incident management team aron motutok sa pakigbatok sa maong sakit sa kababuyan.
