CAGAYAN DE ORO CITY – Na-embargo sa kapolisan ang 2.5 milyones pesos nga kantidad sa gitoohang shabu gikan sa 64 ka suspected illegal drug pushers sa magkalahing operasyon nga gihimo sa nagkadaiyang lower units sa Police Regional Office 10 sa Northern Mindanao miaging semana.
Kini human gilusad nila ang 57 ka magkalahi nga operasyon hinungdang nga nadakpan ang 116 ka indibidwal nga nag-atubang sa nagkadaiyang atraso sa balaod nga naglakip na sa pagbaligya ug paghupot sa illegal nga droga.
Sa gisaysay ni PRO 10 Director Brig Gen Jaysen De Guzman nga nabawi gikan sa 64 ka suspek ang 368.89 gramos sa gitoohang shabu nga mikostar sa kapin 2.5 milyones pesos.
Apil sa gitaho sa lower units ngadto sa Camp Alagar ang pagkasikop sa 11 ka personalidad nga nalambigit sa ilegal nga pasugal diin nabawian sa kapin 3-mil nga illegal gambling items.
