CAGAYAN DE ORO CITY-Nauli sa negosyanteng Maranao-Muslim ang iyang 2.6 milyon pesos nga salapi nga nabilin sulod sa hotel nga gisak-an niini diha sa Brgy Lapasan ning syudad.
Kini human nalimtan ni Saidamin Alala,45 anyos nga taga-Marawi City ang bag diin nakasulod ang maong salapi nga alang unta sa iyang negosyo sa Bumbaran,Lanao del Sur.
Mismo si Police C/Insp Allan Curato ang mitugyan sa salapi balik kang Alala sinaksihan sa mga personahe sa Sogo Hotel sulod sa Agora Police Station kaganihang buntag.
Una niini,nakauli ang biktima sa Lanao del Sur dihang ulahi na lamang niya nadiskobrehan nga wala madala ang nag-withdraw sa bangko nga salapi hinungdan iyang gibalikan.
