CAGAYAN DE ORO CITY -Nakaung-ong ang imbestigasyon sa kamarabaha kabahin sa tinguha ni City Mayor Rolando ‘Klarex’ Uy nga pagpangutang sa bangko sa 2.7 bilyones pesos nga pondo kay gamiton pagpalit sa yuta kay tukuran sa bag-ong ibalhin nga city hall ning syudad.
Kini human kompirmaha ni Cagayan de Oro 1st District Rep. Lordan Suan nga miduso siya’g resolusyon aron imbestigaran sa kamara kon dili ba disbintaha ang gipamugos sa city govt nga magbag-o na sa city hall gamit ang utangon nga pondo.
Siya miingon nga dili makiangayon nga mapadulong sa tinunto ang dakong pondo sa salapi ug ang katawhan maoy pagpas-an sa bayrunon sa mosunod nga katuigan.
Una nang gitugtan sa konseho ang buhatan sa mayor nga mangutang sa bangko alang sa maong katuyuan.
