CAGAYAN DE ORO CITY – Nahatagan sa balor 2.7 milyon pesos nga ayuda gikan sa Enhanced Comprehensive and Local Integration Program o ECLIP ang 50 ka kanhi NPA rebels nga naglihok sa Bukidnon.
Gibutyag ni 1LT Kenneth Cabbigat, civil military officer sa 8th infantry battalion nga gihimo ang ceremonial turnover sa Camp Osito Bahian, Impalambong, Malaybalay City, Bukidnon, adlaw’ng Biyernes.
Ang awarding ceremony gisaksihan sa mga representante sa Department of the Interior and Local Government Region 10, Department of Social Welfare and Development 10, PNP-Bukidnon ug ang mga miembro Philippine Army.
Ang magtiayong Dival ug Jenecel maoy nakadawat sa labing dakong ayuda sa E-CLIP nga nagbalor sa 400,000 pesos human nila gi-surrender sa 4ID ang ilang duha ka M-16 Rifles.
