CAGAYAN DE ORO CITY-Nabalaka ang minoriya sa Sangguniang Panlalawigan o SP nga gamiton ni Gov Bambi Emnao sa midterm elections ang laraw nga dos bilyon pesos nga bank loan.
Kini ang depensa ni Vice Gov Joey Pelaez kon nganong gibabagan sa oposisyon matuki ang bank loan nga gipangayo sa gobernador.
Apan miingon ang alyado ni Emano nga si SP board member President Elipe nga layo pa ang election ban aron i-kondisyon ni Pelaez ang pangutok sa publiko kabahin sa iyang pagduda.
Una niini,mibati’g ka insulto si Pelaez kon nganong dili kaniya direkta miduol si Provincial administrator Atty Jocelyn Mateo apan kang Elipe kabahin sa P2-B proposed bank loan sulod ning tuiga.
Samtang gi-kuwestiyon sa mayoriya SP ang motibo ni Pelaez kon nganong nagdumili matuki ang tinguha ni Emano nga bank loan balor dos bilyon pesos sulod ning tuiga.
Giakusahan ni Elipe nga gihimo kini ni Pelaez aron dili makalihok ang probinsya sa paghatag dugang serbisyo sa katawhan.
Apan gihimakak kini ni Pelaez ug miakusar kang Elipe nga maoy dunay dakong interes aron mapasayon ang kadaugan 2019 midterm elecitons ug mahimong presiding officer sa Sangguniang Panlalawigan.
Dugtong niini,nagbahad si board member Wayne Militante nga mo-resign sa pagka-chairman sa komitiba sa ways and means kon pabiling di magkasinabot sa hisgutanan sa P2-B bank loan nga gipangayua’g pagtugot ni Emano.
Kini human lantugi-i usab sa SP board members nga si Militante ang modungog sa maong proposal imbes nga sa finance committe.
Miingon si Militante nga dili angay pugngan ni Vice Gov Pelaez ang pagtuki ilabina nga taas ang proseso nga agian niini.
Gamiton ang maong salapi pagpamalit sa heavy equipment;imprastraktura ug kagamitan sa mga ospital sa lalawigan.
