CAGAYAN DE ORO CITY – Nasikop sa NBI-10 ang usa ka suspected bigtime illegal drug supplier sa gilusad nga buy bust operation sa Relocation Site,Sitio Calaanan,Brgy Canitoan ning syudad.
Giila ni NBI special investigator Nolan Gadia ang suspek nga si Rudy James Llagas,28 anyos,minyo ug nagpuyo sa maong lugar.
Miingon si Gadia nga mismo si Llagas ang nagsilbing ‘bagsakanan’ sa ilegal nga droga aron iyang ibaligya sa mga parokyano niini.
Nakuha gikan sa suspek ang sobra 300 gramos sa suspected shabu diin halos mobalor sa 2 milyon pesos.
Kasuhan sa NBI ang suspek sa piskalya sulod ning adlawa.
Samtang giangkon ni Llagas nga siya ang tag-iya sa sobra’g 300 gramos sa gitoohang shabu nga narekober sa NBI-10 gikan kaniya.
Apan namugos si Llagas nga maglisod kini’g ila kon kinsa ang tinud-anay nga tinubdan sa ilegal nga droga kay gibilin ra usab kini kaniya.
Giangkon usab niini nga tiggamitan kini sa shabu sa wala pa mohimo’g sa pagpamaligya ngadto sa iyang mga nahimong mga parokyano sa lugar.
