CAGAYAN DE ORO CITY – Gisugyot ni administration City Coun. Roger Abaday ang resolusyon nga nagtumong paghatag sa 2 milyon pesos nga cash incentive alang kang Olympian boxing silver medalist Carlo Paalam.
Kini tungod sa dakong garbo nga nahatag ni Carlo sa Pilipinas partikular dinhi sa syudad sa iyang giapilan nga Tokyo Olympics sa Japan.
Miingon si Abaday nga kuhaon ang maong pondo gikan sa 26 milyon pesos nga sports funds sa city council.
Gawas niini,gisugyot usab sa konsehal nga hatagan sa lote ug balay si Paalam aron mapuy-an sa iyang pamilya.
Samtang dili suliran sa konseho ang tinguha nga hatagan sa dugang insentibo si Paalam sa oras nga kini makauli na balik dinhi sa syudad.
Kini human dakong uyon si City Vice Mayor Rainer ‘Kikang’ Uy nga kuha’ag gamay ang ilang sports funds alang sa maong katuyuan.
Apan giklaro sa bise-mayor nga walay gahom ang konseho aron mahatag ang house & lot kang Carlo kay trabaho kini sa buhatan sa mayor sa dakbayan.
Si Carlo ang ikaduha nga Olympian nga nagsunod kang Mariano Velez Jr kinsa mi-representar usab sa Pilipinas sa 1948 London Olympics alang sa men’s welterweight division.
Hinoon,wala makadala’g medalya si Velez giapilan nga Olymdiada alang sa Pilipinas sa maong tuig.
Si Velez ang usa sa upat ka igsoon nga pulos propesyonal nga anak mga ilado nga kanhi city elected officials nga sila si late Vice Mayor Mariano Velez ug late City Councilor Patricia Mercado.
