CAGAYAN DE ORO CITY – Mitala sa bana-banang structural damage nga 2-milyones pesos ang dakong sunog nga miigo kabalayan sa Zone 4-B,Sitio Tambo,Vamenta Boulevard,Brgy Carmen ning syudad ganihang kadlawon.
Kini subay sa gisulti sa Bureau of Fire Protection nga mihimo sa dinalian nga pag-responde sa hitabo kaganihang kadlawon.
Dugtong niini,namahayag si Carmen Punong Brgy Kikang Uy nga naghulat sila sa opisyal nga resulta sa imbestigasyon sa BFP kon unsa ang nag-unang rason sa pag-ulbo sa sunog nga giinong gikan sa pamilya Binarao.
Hinoon,walay bisan usa ka residente nga namatay o samaron atol sa hitabo.
Kasamtangang gipahimutang ang mga biktima sa usa sa mga tunghaang-publiko sa Macanhan,Brgy Carmen ning syudad.
Kini ang ikaduhang dakong sunog nga miigo sa lugar sukad tuig 1991.
