CAGAYAN DE ORO CITY – Nakompiskar sa lower units sa Police Regional Office 10 ang kantidad dos-milyones pesos nga gitoohang shabu ug marijuana sa 50 ka suspected drug pushers-users gikan sa pipila ka bahin sa Northern Mindanao.
Kini ang nadawat nga taho ni PRO 10 regional director Brig Gen Jaysen de Guzman sa nagkadaiyang provincial ug city police offices nga walay hunong pagpalig-on sa kampanya kontra illegal nga droga.
Gibutyag ni PRO 10 spokesperson Major Joann Navarro nga sa 50 ka police operations,nadakpan ang 123 ka tawo diin 50 niini ang nalambigit sa illegal nga droga.
Siya miingon nga anaa sa 294. 666 gramos nga shabu ang nakompiskar sa weeklong law enforcement operations.
Apil sa 123 nga nadakapn ang 45 ka indibidwal ka mga wanted persons.
May mga nabawi usab nga pipila ka armas sa gilusad nga Kontra Boga operations.
