CAGAYAN DE ORO CITY – Modonar sa pasiunang balor 2 milyones pesos ang city govt pinaagi kang City Mayor Rolando ‘Klarex’ Uy nga suportdo sa konseho ubos ni City Vice Mayor Jocelyn ‘Bebot’ Rodriguez isip tabang sa mga biktima sa pagbaha sa Misamis Occidental.
Kini tungod sa grabeng kadaot nga nahiaguman sa Oroquieta City ug pipila ka lungsod sa probinsya ning semanaha.
Nakab-ot ang lakang nunot sa hangyo sa mayor nga gilayong gihimuan sa special session sa konseho kagahapong adlawa.
Gipasabot ni Majority Leader Kag Ian Mark Nacaya nga kuhaon ang salapi gikan sa 5 percent calamity quick response funds alang sa maong katuyuan.
Una nang nagpadala si Klarex sa in-kind assistance ug rescue teams sa mga lugar nga apektado pag-ayo sa pagbaha ug dahili sa yuta.
Hisayrang dili duol sa dughan ni Uy ang katawhan sa Misamis Occidental kay yutang kagikan niini ang lungsod sa Bonifacio ayha nanimpalad dinhi sa dakbayan sa dugay’ng panahon.
