CAGAYAN DE ORO CITY-Gisaka pa sa 2 milyon pesos ang premyo alang sa mga tawo nga makatudlo sa mastermind sa kamatayon ni USTP president Dr Ricardo ‘Ric’ Roturas.
Kini human nagtanyag usab ang grupong Masonic Districts Region-X sa dugang usa ka milyon ka pesos nga premyo aron mapadali ang pagsulbad sa kamatayon ni Roturas.
Miingon ang maong grupo nga gikondenar nila ang nahitabong kamatayon ni Roturas hinungdan nga gilugwa nila ang maong reward money.
Si Roturas ang gikan sa Christmas party sa Mason dihang sa pag-uli niini sa ilang pinuy-anan giantangan ug gipusil-patay sa duha ka suspek sa miaging semana.
Una nang gipasalig ni City Mayor Oscar Moreno ang usa ka milyon ka pesos nga reward money aron mahatagan sa hustisya ang kamatayon sa su-od niini nga higala nga si Roturas.
