CAGAYAN DE ORO CITY – Nagsaka pa sa 2 milyones pesos ang gitanyag nga reward money gikan sa dakong negosyante aron mapadali ang pagsulbad sa kamatayon sa duha ka trabahante sa bakeshop nga nakabase sa Brgy Manuyog sa lungsod sa Sagay,Camiguin.
Kini human pakigkita-i sa negosyanteng si Paul Rodriguez ang kadagkuan sa PNP Camiguin aron masuta kon unsa na ang imbestigasyon sa kamatayon sa mga biktima nga sila Reynaldo Esguerra, 40 anyos ug 21 anyos nga si Paica Abbu.
Miingon si Rodriguez nga mohatag siya’g uno milyones pesos sa mga tawo nga makatuldo sa mga kriminal.
Samtang laing uno milyones pesos usab alang sa mismong mga suspek bugti sa pagtudlo kon kinsa ang nagsugo kanila.
Padulong sa trabaho ang mga biktima dihang gipangpusil gamit sa kalibre 45 nga armas sa motorcycle in tandem suspects sa miaging adlaw.
Hisayrang dead on the spot ang mga biktima dihang naigo sa ulo ug liog.
