CAGAYAN DE ORO CITY – Kasuhan sa pagbaligya’g ilegal nga droga ang nadakpan nga duha ka suspected druglords sa buy bust operation sa Poblacion,Marawi City.
Kini human nasikop nila ni PDEA -BARMM regional director Juvenal Azurin kuyog ang PNP ug AFP sila si Alexander Aliponto sa Tamparan,Lanao del Sur ug Adam Pandiin nga mismo taga-Marawi City.
Miingon si Azurin nga nabawi nila gikan sa mga suspek ang usa ka kilo sa suspected shabu nga dunay kantidad nga 2.2 milyon pesos.
Gitumbok usab ni Azurin nga miembro sa dagkong illegal drug syndicates nga naglihok sa Lanao del Sur.
Gibutyag sa opisyal nga ang nabawi nga shabu ang posibleng gikan sa National Capital Region o Zamboanga City.
