CAGAYAN DE ORO CITY – Naka-eskapo ang pipila ka personalidad nga responsabli pagpalusot sa inismagol nga mga sigarilyo nga gisakay sa pumb boat sa Sharrah Beach Resort sa Zone 7,Brgy Barra,Opol,Misamis Oriental.
Kini human sulayi sa tropa sa Opol Municipal Police Station kinuyugan sa Regional Medical Unit 10 ingon man Regional Special Operations Unit 10 pagdakop ang maong mga personalidad nga nagpalusot sa klase-klaseng sigarilyo nga adunay kapin dos milyones pesos.
Namahayag si Misamis Oriental PNP Director Col. Wilbur Salaguste nga unang nakadawat sa impormasyon ang lower units kabahin sa suspected cargo nga gikarga sa sakayang-pandagat hinungdang nga gikasa ang operasyon.
Apan wala na maabti sa tropa ang mga suspek diin kontrabando lang ang nabawi gikan sa maong operasyon.
Gitakdang itugyan ang maong kontrabando sa Bureau of Customs alang sa tukmang desposasyon.
