CAGAYAN DE ORO CITY – Gitudlo nga usa sa mga hinungdan sa Bureau of Fire Protection o BFP-Cagayan de Oro District Office ang pagkadanghag ug pagpasagad sa pipila ka tagbalay ang rason sa pag-ulbo sa sunod-sunod nga syudad sukad pa sa miaging semana.
Kini human mitala sa 20 milyones pesos ang structural damages sa tulo ka magkalahing sunog nga miigo sa Brgy Lapasan sa Mayo 31 nga gisundan sa Brgy 13,Brgy 20 ug Brgy 27 sulod ning semanaha lamang.
Namahayag si BFP Cagayan de Oro District Office spokesperson Senior Fire Officer 3 Imelda Barazan nga ilang nabantayan nga dunay pagluag sa ka-alerto sa publiko gikan sa Fire Prevention Month observance sa miaging Marso ning tuiga.
Hisayrang pinakaulahing miigo ang dakong sunog sa siyam ka dagko ug kontretong mga puy-anan nga nagsilbing usab nga commercial structures sa dalang Tiano Brothers-Nacalaban,Brgy 20 sa syudad kagahapon sa buntag.
Gikompirma usab sa BFP nga naangol ang usa sa mga tag-iya sa balay nga si Bernie Diaz epekto sa hitabo.
