PC|:Kag.Jay Roa Pascual
CAGAYAN DE ORO CITY-Gipalig-on pa ni City Mayor Oscar Moreno ang anti-illegal drugs campaign nga kabahin sa flagship program ni Pres Rodrigo Duterte.
Kini human gitugyan sa syudad sa Dept of Health o DoH-10 ang balor 20-milyon pesos nga Laureana Rosales building aron magamit nga rehab facility sa drug dependents sa rehiyon.
Gihimo ni Moreno ang pagtugyan niini mismo sa gidonar nga yuta sa mga Rosales diha sa Upper Maitom,Brgy Puerto sa syudad.
Gani,dili lamang mga lalaki nga drug dependents ang ma-akomodar sa drug rehab facility apan bisan ang kababayen-an sulod sa unom ka bulan.
Kaabag sa DoH ang Treatment and Rebilitation Center o TRC nga gipanguluhan ni Dr Benson Go sa maong pasilidad.
Nasayran nga ang maong luna ang unang gidonar sa mga Rosales sa National Bureau of Investigation nga gihangyo usab ni late City Mayor Pablo Magtajas nga makuha sa syudad alang sa katuyuan sa rehabilitasyon.
