CAGAYAN DE ORO CITY – Gipangdugmok aron dili na mapuslan ang 188-mil 824 ka packs sa lain-laing klase sa mga sigarilyo nga nagbalor 20.7 milyon pesos sulod sa warehouse diha sa Brgy Patag sa syudad.
Kini human unang nakompiskar sa Bureau of Customs o BoC ang imported cigarettes nga gipalusot sa nagkadaiyang pantalan sa rehiyon gikan sa China.
Gibutyag ni Mindanao Container Terminal collector John Simon nga anaa sa 10 ka consignees ang nagpatoo nga mga tag-iya sa maong mga sigarilyo apan wala sukad nagpakita sa kagamhanana.
Nasuta nga gisugdan ang pagpalusot sa maong mga kontrabando bulan pa sa Marso ug hangtod Setyembre ning tuiga.
