CAGAYAN DE ORO CITY – Gitutukan sa mga imbestigador sa Bureau of Fire Protection o BFP- Cagayan de Oro nga ang gihimong ‘welding activity’ sulod sa AG Marketing ang hinungdan sa pag-ulbo sa dakong sunog sa Diversion Road, Zone 1,Buara,Barangay Bayabas sa syudad kagahapong adlawa.
Kini subay sa nakuha nga teorya sa BFP nga posibleng rason pagkasunog sa patigayon nga namaligya’g mga ligid sa heavy equipment truck.
Namahayag si Fire Insp. Samson ‘Sam’ Velarde,hepe sa operations sa BFP-Cagayan de Oro nga kamulo pa ang gihimo nila nga imbestigasyon aron matumbok sa tinud-anay nga rason sa sunog.
Sa inisyal nga estimated structural damage,mibutyag ang BFP nga anaa sa 500-mil pesos.
Apan namulong usab ang tag-iya nga si Antonio Miñoza kang Velarde nga naa sa dili mo-ubos 20 milyones pesos ang damyos sa mismong mga ligid sa maong sunog.(Aerial capture by: Red Cantilado Dumaguing)
