CAGAYAN DE ORO CITY – Nakasaway ang grupo sa LGBTQ Pilipinas nga daw adunay pinalabi ang gipasiatab sa administrasyon nga mahatagan na sa katumanan ang tag-20 pesos kada-kilo sa bugas nga mapalit sa katawhan sugod ning semanaha.
Kini human unang gisulti ni DA Secretary Francisco Laurel Jr nga makapalit na’g sugod sa maong kantidad sa bugas ang pipila ka sector nga nakabase sa tulo ka rehiyon sa Visayas.
Miingon si LGBTQ Pilipinas legal counsel Atty. Sam Tan nga klaro na ang motibo sa maong katuyuan ug tinuyo pa nga gipili ang pagpatuman.
Siya miingon nga dili mahitabo nga tinud-anay nga pag-bayente ang kilo sa bugas apan pinugos kini nga pag-subsidize sa gobierno aron ipanghaylo sa mga botante sa eleksyon.
Hisayrang bisan ang grupong Citizens Watch for Good Governance 10 pinaagi ni Atty Antonio Soriano ang mitawag nga ‘political gimmick’ ang konohay tag-20 pesos nga kilo sa bugas nga ibaligya didto sa Visayas.
